XXXIII. SAKANAKO IBILALDIA bukatuta (aparkatua hobeki esanda legoke) Iratxoko, Irurtzungo eta inguruetako herrietako zenbait mendizalek Federazioak antolatutako 100 URTE 100 MENDI jardueran parte hartu zuten Erga mendian 100. Urteurrena ospatzeko. EUTSI eta beste 100!
Egia aitortzeko, aurtengo edizioa ez zen denok nahi bezain ongi joan eguraldi txarragatik. Hala ere, gure Ibilaldia, orokorrean, ongi atera zen eta hori kolaboratzaileei esker izan zen, beti bezala. Aurreko egunetan eta 27an bertan egin zenuten ahalegina aparta izan zen, ikaragarria. Zorionak eta eskerrik beroenak guztiontzat.
Eta hori ez da Ibilaldia antolatzen dugunok soilik egindako balorapena. Parte-hartzaile asko eta askok, larunbatean bertan ere, ia aho batez, hitz onak zituzten kolaboratzaileentzat, eta ondoren korreoz jaso ditugun mezuek ere kontroletan, plazan eta Barazkigunean lanean aritu zinetenoi zorionak ematen dizkizuete eta eskerrik beroenak.
Guretzat ez da berria hainbeste lagun Ibilaldian lanean aritzeko prest egotea, baina bai nabarmendu beharrekoa. Mila esker, bihotzez eta prestatu hurrengo ediziorako, mesedez. Lanerako deia txintxo iritsiko zaizue.
Beraz, 2025eko XXXIV. SAKANAKO IBILALDIAN elkar ikusiko dugu.
XXXIII. Sakanako Ibilaldiak eskainitakoa baloratzeko tartea da oraingoa.
Hasteko, eskerrak eman parte hartzeko izena eman zuten 1226 mendizaleei. Berriz ere, erantzun bikaina izan du Iratxo Mendi Taldearen ibilaldiak. Indarrak metatu ditugu eta datorren urtean XXXIV. Ibilaldia antolatuko dugu eta dena hobetzen ahaleginduko gara
Ilusioz gainezka prestatu genuen aurtengo edizioa ere, baina eguna ez zen guk nahi bezala joan. Eguraldia bihurtu zen protagonista eta berari aurre egin behar izan genion.
Izena emana zuten 142 inskribatu ez ziren irteeran aurkeztu iragarritako eguraldia kontuan hartuta. Zorionak zuhurtziaz jokatzeagatik. Datorren urtean ilusioz hartuko zaituztegu.
Zorionak, baita ere, eguraldi txarrak bultzatuta ibilaldia uztea erabaki zenutenoi. Atzera egin zuten batzuek Irurtzuna itzuliz. Beriainen erabat busti eta hoztuta, Uharten ez zutela aurrera egingo pentsatu zuten askok. Eguraldiak zalantzak sorrarazten zituen zaparrada gogor baten ondoren zerua urdindu eta goxatu egiten zelako. Horregatik, Aralar, Madotz, Goldaratz edo Latasan utzi zuten beste askok Ibilaldia eta Irurtzunera boluntarioen kotxeetan nahiz oinez iritsi ziren.
Hala ere, eguraldi makurrari aurre eginda, bukatu egin zuten gehienek XXXIII. Sakanako ibilaldia, 842k hain zuzen. Zorionak hauei ere, jakina. Nola ez.
Labur esanda, zorionik beroena merezi duzue irtetea erabakitakoan, egunak sortutako eragozpen guztiak zein sufrimendua modu baikorrenean eraman zenituztelako. Enparantzan eta Barazkigunean ikusitako aurpegiek eta entzundako eskerroneko hitzek hori adierazten zuten. Zorionak, bene-benetan. Eguraldi txarrari, aurpegi ona.
Izan ziren antolakuntzak Ibilaldia bertan behera utzi behar zuela adierazi zuten parte-hartzaileak. Hain da zaila erabaki egokiena hartzea, ordea. Gainera iragarpenak txarrak izanda ere ez ziren izutzeko modukoak.
Ea datorren edizioan ere elkar ikusteko aukerarik dugun. Eskerrik asko bihotzez.
Urteko programaren barruan, apirilaren 27 eta 28rako 100 MENDI ekimena dago antolatua. Helburua: Euskal Herriko 100 tontor igotzea.
Iratxo Mendi Taldeak Erga tontorrera igotzea proposatu zuen eta hori egingo dugu apirilaren 28an, igandean. Tontorrean talde-argazki bat egingo dugu Mende-urrena ospatzeko diseinatu den bande-rarekin eta, ondoren, oroitzape-nezko mapa bat egingo da, parte hartzen duten klubekin. Beraz, animatu eta igo gurekin Ergara Mendeurrena ospatzera!!!
Irteera ordua: goizeko 9ak, Iratxon
