Category: Ibilaldia berriak

Hemen da XXXIII. SAKANAKO IBILALDIA. Azken edizioan I. Ochoa de Olza – SOS Himalaya fundazioari lagundu bagenion Makaluko Ospitalerako (Nepal) dirua biltzen, 2024 honetan Ibilaldia palestinarrekin elkartuko da, eta parte-hartzaile eta laguntzaileen artean biltzen dugun laguntza ekonomikoa luzatuko die.

Palestinaren egoera, bereziki Gazako zerrendan, dramatikoa da. Israelek Hamasen aurka eta, ondorioz, palestinarren aurka burutzen ari den gerra genozidak hiriak suntsitu ditu, 30.000 hildako baino gehiago eragin ditu (horietako asko haurrak) eta milioika desplazatu sortu ditu, bizitzeko ezer ez dutenak. Larrialdi humanitario honen aurrean neutraltasuna ezinezkoa da.

Gazatarren %80 UNRWAren (Palestinako Errefuxiatuentzako Nazio Batuen Agentzia) laguntza humanitarioaren mende dago. GKE honek hamarkadak daramatza palestinarrei laguntzen. Gazan dena bere  laguntzaren mende dago: administrazioa, osasuna, hezkuntza…

Urtarrilean, Israelek UNRWAk Hamasi lagundu izana leporatu zion, eta hamabost bat herrialdek laguntza kendu zioten, finantzaketaren ia %70. UNRWAk bakarrik du Gazarako sarbidea, baina ez du baliabide ekonomiko nahikorik palestinarren egoera dramatikoa arintzeko, zeintzuk ez baitute bizitzeko gutxieneko baliabiderik: etxea, elikagaiak eta osasun- eta hezkuntza-zerbitzuak. Gainera, Israel ahalik eta laguntzarik txikiena iris dadin saiatzen da.

XXXIII. SAKANAKO IBILALDIAK ahal duen guztia bildu nahi du UNRWArentzat, eta, elkartasunaren bidez, gizarte-kontzientzia piztu eta mendia-elkartasuna binomioa gero eta sendoagoa bultzatu nahi du.

UNRWAri buruzko informazio gehiago nahi izanez gero, kontsultatu esteka hau: https://unrwa.es/

6.000 euroko dohaintza egin dio Irurtzungo Iratxo Elkarteak SOS Himalaia Fundazioari XXXII. SAKANAKO IBILALDIA – III. OCHOA DE OLZA MEMORIALAri amaiera emateko. Elkarlanaren etekina izan da kopurua eta  SOS Himalaiako ordezkari Elena Sagaseta de Ilurdoz zoriontsu eta pozik zoratzen agertu da ekitaldian, lortutako etekinarekin, eta Nepalera egindako bidaiaren berri eman du eta Fundazioak lurralde hartan dituen proiektuen egoera zertan den.

Joan zen astelehenean, uztailak 3an, elkartu ziren Iratxo Mendi Taldeko ordezkariak aipatutako Elenarekin eta, bilera labur baten ondorioz, 6.000 €ko taloia aurrean zutela argazki bat egin zuten dohaintzaren lekukotza jasotzeko.

Irailean erabakiko da Nafarroako Mendi Federazioan zein ibilaldirekin gauzatuko den 2024ko XXXXXXXXX IBILALDIA – IV. OCHOA DE OLZA MEMORIALA.  Iratxokoa bezain ongi atera dadila!

Iremos subiendo fotos en breve.

XXXII. SAKANAKO IBILALDIA – III. OCHOA DE OLZA MEMORIALA parte hartzaileentzat opariz josita dator. Enpresa babesle eta patrozinatzaileak inoiz baino eskuzabalago agertu dira aurtengo Ibilaldiaren helburuetako bat SOS Himalaia Fundazioarentzat ahalik eta baliabide ekonomiko  gehien lortzea zela jakinarazi zitzaienean.

                Beraz, parte-hartzaileak ez dira esku hutsik etxeratuko Sakanako Ibilalditik. Ikusi zer nolako mauka!!

Hasteko, urtero bezala, abiatzen diren guztiek Ibilaldiaren oroitzapenezko kamiseta eskuratuko dute. Hori gutxi ez balitz, hurrengo opari sorta ere jasoko dute Rural Kutxaren poltsan sartuta: Lacturale kaxa esnea, Alearen olo poltsa eta, agian, Palacios enpresaren patata tortilla.

                Ibilaldi Txikiko partaide gaztetxoenek, berriz,  Laboral Kutxaren motxilatxoa edo bisera jasoko dute.

                ZORTE ON ZOZKETAN!

Horretaz gain, bada zozketa bidez banatuko den opari eta erregalu pila ere. Hona zerrenda

– Bi Sister jatetxea: zortzi bazkari/afari txartel edo bale.

                – Pikuxar Euskal Txokoa:  6 bazkari/afari txartel edo bale.

                – Gara:  opari asko eta anitzak dira: Kamisetak, gida-liburuak, ipuin liburuak,                                                              zintzilikarioak  arrano beltza, eguzki-lorea, lauburua)

                – Oreka fisioterapia: 3 saio.

                –Break Camper autokarabana tailerra: kanpinerako katiluak.

                – Bidelagun: 50 €ko balea.

                Beraz, begiratu ondo ea zerbait tokatu zaizun zozketan eta… zorte on!

Mendizaleak esku hutsik ez badira etxeratuko ezta sabela hutsik ere. Enparantzako hornidura gunean, bidean zehar aurkitu dituzten janari eta edariez gain, zain izango dituzte txistorra eta patata tortilla beroak eta sagardo fresko goxoa  lagunekin egunaren nondik norakoak plazako harmailetan eserita komentatzeko . Beraz, ON EGIN!

Gainera, nahi duenak, eguneko Diario de Noticias egunkaria hartu ahal izango du.

Ezer baino lehen, eskerrak, bihotzez, XXXII. SAKANAKO IBILALDIA – III. OCHOA DE OLZA MEMORIALEAN parte hartzeko izena eman duzuen guztioi. Berriz ere harri eta zur utzi gaituzue jaso dugun erantzunarekin. Egia da aurten gure Ibilaldiak mendizaleak erakartzeko motibazio berezia bazuela, I. Ochoa de Olza – SOS Himalaia Fundazioarentzat ahalik eta diru gehien lortzeko helburua argi azaldu genuelako. Hala eta guztiz ere, espero baino askoz ere erantzun hobea jaso dugu. Zoragarriak zarete!

Lore sorta hau botatzea ezinbestekoa gertatu bazaigu ere, testu honen helburua zuei azken eskariak helaraztea da eta… hasi egingo gara:

1.- Ingurumena zaintzeko, ahalik eta zabor gutxien sortu eta sortzen duguna dagokion zakarrontzietan sartu.

2.- Bakoitzak bere edalontzia eraman

3.- Bideak errespetatu behar ditugu. Antolatzaileok ohiko bideak markatzen ditu, ez lasterbide edo atajoak. Beraz, segi seinaleei, txintxo. Asko gara leku beretik pasatuko garenak eta kalteak txikiagotzen saiatu behar dugu. Beraz, tentazioak baztertu eta segi bideari!

4.- Garai honetan ia fauna guztia ugaltzen ari da eta ez diogu eragozpenik sortu behar (zaratak, oihuak…)

5.- Txakurrak beti kontrolpean eraman, bereziki haziendak egon daitezken tokietan.

6.- Ibilbidean zehar erretiratzen bazara, jakinaraz ezazu pasatzen duzun azken kontrolean.

7.- Jarraitu antolakundearen instrukzioei dena ahalik eta ongien atera dadin eta antolatzaileek ez jarraitzeko esaten badizute, ez egin. Zerorren eta guztion onerako da.

8.- Egun zoragarria igaro, paraje eder hauetaz errespetuz eta zentzuz gozatzen duzun bitartean.

Eskerrik asko

Iratxo Mendi Taldea

HIMALAIARA MENDI ETA IÑAKIREKIN

                 Ezagunak zaizkizu bi pertsonaia hauek. Baietz, ba.  Mendi, Sakanako Ibilaldiaren aspaldiko maskota ibiltaria da (aurten inoiz baino dotoreago ageri da gure txartel eta kamisetetan) eta Iñaki Ochoa de Olza, berriz,  Annapurnan bizia galdu zuen  nafar alpinista ospetsu eta maitatua.

Bada, aurtengo XXXII. SAKANAKO IBILALDIA  III. OCHOA DE OLZAREN  MEMORIALA  da eta bere  helburu nagusia  I. Ochoa de Olza-SOS Himalaya Fundazioarentzat baliabide ekonomikoak, dirua, lortzea da.

Fundazio hau 2009an sortu zen, Iñakiren oroimena kontserbatu, zabaldu eta bukatu gabe utzi zituen lankidetza-proiektuei jarraipena emateko. Iñakik Himalaiako biztanleei oparitu ziotenaren zatitxo bat, bederen, itzuli nahi izan zielako. Zertan? Hezkuntzan eta osasungintzan, funtsezko bi eskubide horiek bermatuz.

Esan bezala, Iñakik eta Mendik bat egin dute 2023ko Sakanako Ibilaldian eta, amestutako bidaian, Nepalera joateko gonbita luzatu digute, Makalu bailarako Seduwa herrira, Iñaki Ochoa de Olza-SOS Himalaia Fundazioak bertan martxan jarri nahi duen Makalu ospitaleari laguntza ematea. Eta zu ere, mendizale, zure ekarpena egiten ari zara. Dakizunez, zure izen-ematearen kuotaren 2€ Fundazioarentzat izango dira, zure poltsikotik Himalaiara joango dira Mendi eta Iñakirekin batera. Mila esker, bihotzez, Iratxo Mendi taldearen izenean.

Fundazioaren proiektuei buruzko informazio gehiago nahi izanez gero,

Fundazioaren proiektuei buruzko informazio gehiago nahi izanez gero, kontsultatu www.soshimala.org

Oso pozik gaude aurtengo Mendi Jardunaldien erantzunarekin.

Itxiera emateko  Alex Txikon izan genuen gurekin, izugarria bere bizipenak entzutea.

Alex Txikonek argi dauka: aurten Sakanako Ibilaldian parte hartu behar da @soshimalaya Fundazioak dituen proiektuetan gure alea eman behar dugu.

Animatu edozein ibilbidearekin!

BIDEOA