22 Mar, 22
Iratxo Sin categorizar

MADOTZ-AKIER-ODERITZ- SAGARDOTEGIA

Oso irteera polita martxoaren 20koa eta erantzun onekoa. Hamabi mendizale abiatu ginen Madotzetik Agiri herri zaharrerantz. Hego haize nahiko zakarra leku irekietan eta hodei susmagarriak. “Ia ez garen bustitzen”. Eta ez ginen busti eta haize ere ahultzen joan zen. Agirira heltzean Atako harratean gora hartu genuen eta goroldioz tapizatutako leze/zulo handi batera iristean, terraza moduko bat hartu genuen ekialderantz Soroaundi azpitik pasatuz. Bista ederrak. Azpian, Agiri inguruko pagadiak eta, atzeraxeago, Madalenaitz. Sakana hegan gurutzatuta (tirolinarik behar ez), Gaztelu, Txurregi, Beriain…, baino erdi lainopean.

Atako haraneko sarrerako atea zeharkatu aurretik  goroldioz forratutako babesleku ederrak gonbidatu gintuen hamaiketako egitera. Nola ukatu?  Indarberrituta, Atako larreetan barrena hurbildu ginen Akierrera eta maldan gora egin. Aldapa polita. Iparraldeko hegira pasatu orduko ezkerrera jo genuen tontorrera iristeko. Bide argirik ez, baino Frantziskok zuzen eraman gintuen Esputnik suziriraino. Ez zen ia haizerik eta argazki saioa dexente luzatu zen. Bateriarik gabe gelditzen diren argazkilari hauek…

Tontor harritsua atzean utzita ekialderantz hartu genuen, alturarik galdu gabe ia, zirko moduko bat gurutzatu arte.  “Pista han dago”, Frantziskok. Eta halaxe izan zen. Bidea goitik behera dator eta Zuarrarratera doan pista zabalera eramaten gaitu. Garaiz genbiltzanez, Madotzera oinez jaistea erabaki genuen kotxeak hartzera.

Sagardotegia zain genuen gehienok eta, aspaldiko partez, ederki bazkaldutakoan eta sagardoa lagun, kantu saio luzea izan genuen geure errepertorio zaharra errepasatuz.  Bazkaltzen ari zirenetako gazteak ere abestera animatu ziren errepertorioko abesti ezagun bat entzutean. Zein ote? Asmatu duzue: “Sigo siendo el rey”.

Datorren urtean Irurtzundik abiatu behar Larrazpilera igo eta mahai berean bukazteko. Gonbidatak zaudete.

 

Madotz-Akier-Oderitz
Madotz-Akier-Oderitz
7 photos
04 Mar, 22
Iratxo Noticias cultura, Sin categorizar

IRTEERA BASABERE BASERRI ESKOLARA

bi aukera izango dira:

  • Goizeko 8tan Iratxo elkartetik abiatuta. Zunbeltz bentara joan eta Dulantz (Urbasako mendi garaiena) mendira igo.Zailtasuna erraza (8km 400m+).
  • Goizeko 11tan, Basaberen bisita eta bisita bukatuta pintxo-potea.

Ondoren, bazkaria bertako produktuekin (bazkalostean txikiendako ludoteka)

Prezioak: Helduak 34€ – Umeak 23,5€

BI EKINTZAK EDOTA BASABEREKOA BAKARRIK EGITEKO AUKERA

Ekintzetara apuntatzeko izena eman Iratxon, Pikun edo 638 324345 zenbakira whatsappez idatzita.

AZKEN EGUNA MARTXOAK 16

Kotxeak jendearen arabera antolatuko dira.

Kartela:Salida a Basabere

03 Mar, 22
Iratxo Noticias cultura, Sin categorizar

IRATXOKO AGENDA KULTURALA

PARTXIS ETA MUS TXAPELKETA:   

Hasiera martxoaren 19an, larunbatean. Izena eman Elkartean, martxoren 13a baino lehen.

MARZOAk 19:  PATXI ALEGREren PROIEKZIOA . IRURTZUNGO LEHEN eta  GEROA .

Proiekzio aldatua.  Garai bateko argazkiei  eta kontaketari denbora emanez.

MARTZOAK 26:  BASABE BASERRI-ESKOLAra IRTEERA eta  DULANTZ MENDIra IGOERA.

Biak egin daitezke ala bisita bakarrik.  Martxoaren 16a izena emateko azken eguna da

APIRILAK 2:  GOIZEKO 7etan  IRATXOKO KORRIKA KILOMETROA:

Urritzola ondoan.  Ondoren,  Iratxon gosaria.

 APIRILAK 9:  ASTEASUKO SARASOLA SAGARDOTEGIRA IRTEERA.

Lehenago Alkizako  Ur Mara Museoara bisita.

24 DE ABRIL. PROYECCIÓN DE PATXI ALEGRE.

Iratxok Europan zehar egindako bidaien oroitzapena.

MAIATZAK 24:  IRANTZUko LURRAK .

Irantzu Ibaiaren arroilatik zehar ibilaldia.  Ondoren, Irantzuko Monasterioan bisita gidatua.

 

MAIATZAK 21:  IRATXOko BAZKIDEAREN EGUNA .   

Ezin duzu hutsik egin!

MUGIKORRA ETA HAREN APLIKAZIOAK ERABILTZEKO IKASTAROA: Data zehatzeke

Antolatzailea

IRATXOKO KULTURA BATZORDEA
1 … 4 5 6 7 8 … 27