LARRAZPIL EZOHIKO BIDETIK
Irurtzundik Larraun ibairantz joko dugu eta, zurezko zubia gurutzatuta, usategietara iritsiko gara Goldarazko bidezidor zaharra hartzeko. Lehenengo sorora iristean, ezkerrerantz egingo dugu Larrazpileko kaskoetan barrena, muga-mugatik trikuharriraino heltzeko (1.025m). Lainorik ez bada bista ederrak ditu mendiak eta, gainera, bide ia ezezaguna da. Trikuharritik Upetara (Madozko gaina) jaitsiko gara eta, Itxasperrira heldutakoan, Lakturalen barrena Irurtzuna iritsiko gara. Ibilbideak 3,5/4 ordu inguruko iraupena izango du